Select Page

TARAMAR vörulínan byggir á langtíma rannsóknum dr. Guðrúnar Marteinsdóttur þar sem virkni hefur verið sannprófuð með lifandi frumulíkönum. Þessi nýstárlega aðferð gerir kleift að velja eingöngu efni sem hafa góð áhrif á húðfrumurnar; t.d. með því að fanga sindurefni, draga úr oxun og bólgum, styrkja collagenþræði, viðhalda réttu raka- og sýrustigi og efla heilbrigð efnaskipti og bruna. Rannsóknirnar hafa verið unnar í samstarfi við vísindamenn frá Háskóla Íslands. Vörurnar frá TARAMAR eru einstakar að því leyti að þær eru ferskvara. Þess vegna búa þær yfir einstakri lífvirkni sem um leið er viðkvæm fyrir oxun. Svo að þú fáir sem mest út úr vörunni skaltu ekki geyma hana of lengi eftir að þú opnar umbúðirnar. Njóttu þess að TARAMAR er fersk vara.

TARAMAR tengir saman náttúru og vísindi í einstakri húðvörulínu sem endurvekur og bætir húðina. Lífvirku efnin í TARAMAR húðvörunum koma úr þörungum sem eru handtíndir á sérlega hreinum svæðum í Breiðafirði og lífrænt ræktuðum lækningajurtum.

Meðal eiginleika vörunnar er hægt að nefna:

  • Minnka fínar línur og hrukkur, þétta og styrkja húðina
  • Stuðla að heilbrigðri starfsemi húðarinna
  • Gefa húðinni heilbrigðara útlit og fallegan ljóma
  • Draga úr misfellum í húð
  • Kremin ganga hratt inn í húðina
  • Engin klístursáferð
  • Engin skaðleg efni fyrir húð, engin hefðbundin rotvarnarefni (ný tækni í einkaleyfisferli)
  • 100% Vegan
  • Engin manngerð lyktar- eða litarefni
  • Í svörtum glerumbúðum til að viðhalda og vernda lífvirkni vörunnar
  • Umbúðir með pumpu sem varna smiti frá örverum
  • Handgerðar frá grunni í smáum skömmtum
  • Framleitt á Íslandi með íslensku vatni

Þessar einstöku vörur eru nú á sérstöku kynningarverði í tilefni af opnun vefverslunar á vefnum taramar.is