Vilt þú gerast hluthafi í TARAMAR og taka þátt í að koma íslensku hugviti og snjöllum, hreinum húðvörulausnum á alþjóðamarkað?

TARAMAR SEEDS ehf, móðurfyrirtæki TARAMAR ehf, stendur fyrir hópfjármögnun með sölu á hlutum í B-flokki til að fjármagna markaðsherferðir á erlendum markaðssvæðum.

Fjárfesting í hlutabréfum sprotafyrirtækja getur verið áhættusöm. Taramar leggur sig fram um að tryggja hluthöfum sínum ávinning af fjárfestingunni strax með því að bjóða sérkjör í vefverslun félagsins á taramar.is. Þannig fá nýjir hluthafar sem koma inn í eigendahóp Taramar í gegnum hópfjármögnunarferli félagsins fastan 40-48% afslátt af framleiðsluvörum Taramar, eins lengi og stofnendur stýra félaginu

Megin markmið TARAMAR er að bjóða upp á náttúrulegar og með öllu skaðlausar lausnir í húðvörum. Þannig fyllir TARAMAR holu á markaði og leysir af hólmi vörur sem innihalda óæskileg efni fyrir menn og umhverfi.  Flestar húð- og snyrtivörur innihalda efni sem geta haft ruglandi áhrif á innkirtla og hormónakerfi líkamans, safnast fyrir í vefjum og valdið eitrandi áhrifum á líffæri eða jafnvel stuðlað að myndun krabbameins.

Til að komast hjá notkun slíkra efna, þá hefur TARAMAR þróað nýjar aðferð til að búa til húðvörur. Þessi aðferð gengur undir nafninu NoTox® Technology, og er varin með einkaleyfi. TARAMAR hefur einnig lagt mikla vinnu í að þróa efni úr íslenskri náttúru sem græða og endurbæta húðina. Vörur TARAMAR hafa verið prófaðar hjá óháðum erlendum rannsóknaðilum sem hafa sýnt fram á að vörurnar hafa mikla virkni og getu til að bæta húð og draga úr sýnilegum áhrifum öldrunar. TARAMAR vörurnar hafa fengið 30 Alþjóðleg verðlaun fyrir nýsköpun, hreinleika og virkni.

 

TARAMAR vörurnar fást á Íslandi hjá Hagkaupum, Lyfjaveri,  Motívo, Reykjanesapóteki, Íslandsapóteki og  Fríhöfninni. Ekki hefur farið fram formlegt „launch“ á vörunum erlendis en þær eru þó fáanlegar í MACAU, Hong Kong, Þýskalandi, USA og London. Í undirbúningi er að setja vörurnar á Bretlandsmarkað með formlegum hætti sem og í Dubai og Portúgal.  Salan erlendis er að byggjast upp, en framgangur þess er þó háður fjármagni og mikilvægt að félagið afli nægs fjármagns til að gera flott markaðsefni sem byggir á einstakri sögu og virkni varanna sem og myndefni af bestu gerð sem tengir vörurnar við íslenska náttúru, nýsköpun og afburða hreinleika á öllum stigum framleiðslunnar.

.

Til að mæta þessari fjárþörf þá býður TARAMAR hluti í B flokki til sölu. Í dag hafa tæplega 550 manns eignast hluti í TARAMAR félögunum.  Þessir eigendur njóta ákveðinna vildarkjara og margir þeirra hafa tekið virkan þátt í þróun og prófunum á TARAMAR vörunum.

Ávinningur hluthafa

  1. Eignarhlutur í TARAMAR SEEDS ehf,  móðurfélagi TARAMAR ehf
  2. Útborgun á arði þegar það á sér stað
  3. 40% afsláttur á öllum TARAMAR vörum, óháð öðrum tilboðum (svo lengi sem stofnendur stýra félaginu)
  4. 1-8% viðbótar afsláttur í formi vildarpunkta sem bætast við í hlutfalli við kaup á vörum
  5. Tilkynningar um hlutafjárútboð áður en þau eru auglýst
  6. Athugið að B-hluthafar taka ekki þátt í stjórnun og hafa ekki atkvæðisrétt.

 

Til að gerast hluthafi þá þarf að kaupa hluti að lágmarki fyrir 100 þúsund krónur.  Ef þú hefur áhuga, vinsamlegast sendu póst á [email protected] með upplýsingum um nafn, heimilisfang, kennitölu, síma og netfang sem og upphæð sem þú hyggst kaupa fyrir. Við munum svara og senda þér kaupsamning sem þú samþykkir og eftir að þú hefur lagt inn kaupverðið á bankabók TARAMAR  SEEDS þá skráum við þig inn í hluthafaskrá sem er vistuð á www.hluthafaskrá.is auk þess sem við skráum þig sem platínumeðlim í vildarklúbb TARAMAR og á póstlista B-hluthafa.

.

Finna má fleiri upplýsingar um TARAMAR hér á íslenksku sem og hér á ensku.

Ef óskað er eftir fleiri upplýsingum, s.s. samþykktum og ársreikningum, þá er best að hafa samband við okkur á [email protected]

TARAMAR SEEDS ehf., Miðnestorg 3, 245 Suðurnesjabæ

Sími: 570-7100; Netfang: [email protected]